Вы тут

Стала вядома, якія антысанкцыі ўводзіць Беларусь

Санкцыі супраць заходніх прадуктаў пачнуць дзейнічаць з Новага года / pixabay.com

Савет міністраў прыняў пастанову №700 "Аб прымяненні спецыяльных мер у дачыненні да асобных відаў тавараў". Гэта анансаваныя ўладамі антысанкцыі ў адказ. 

У пастанове вызначаюцца катэгорыі тавараў, якія забаронена ўвозіць і прадаваць у Беларусі. Сюды трапіла прадукцыя з краін ЕС, ЗША, Канады, Нарвегіі, Албаніі, Ісландыі, Паўночнай Македоніі, Вялікабрытаніі, Чарнагорыі ды Швейцарыі. 

У пералік трапіла мяса, каўбасы і аналагічныя вырабы, малочная прадукцыя (за выняткам безлактознай), садавіна і гародніна, арэхі, кандытарскія вырабы, тлушч, соль ды іншыя катэгорыі.

Пастанова будзе дзейнічаць з 1 студзеня 2022 года на працягу 6 месяцаў.

У прэс-службе Саўміна запэўніваюць, што забарона не закране тавары, якія беларусы вязуць для асабістага спажывання. Таксама пад забарону не трапяць тавары тавары для дзіцячага харчавання.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.