Стала вядома, якая група крыві найменш уразлівая да каранавіруса

Стала вядома, якая група крыві найменш уразлівая да каранавіруса. Даследаванне правялі спецыялісты каліфарнійскай кампаніі, якая займаецца расшыфроўкай геному. Як піша blog.23andme.com, яны вывучылі даныя 750 тысяч кліентаў, з якіх 10 тысяч чалавек заразіліся каранавірусам. Высветлілася, што тыя людзі, у каго першая група крыві, радзей заражаюцца каранавірусам — на 9%-18%. Сцвярджаецца, што гэта характэрна і для станоўчага, і для адмоўнага рэзус-фактару.

Сярод тых, хто часцей заражаецца, пацыенты з трэцяй і чацвёртай групамі крыві. Праўда, раней міжнародная група даследчыкаў заявіла, што найчасцей заражаюцца каранавірусам людзі з 2-й групай крыві і гэта нібыта звязана з нейкімі "асаблівымі мутацыямі".

У свеце на 12 чэрвеня налічваецца 7,5 млн выпадкаў заражэння каранавірусам, памерлі 423,8 тысячы чалавек, паправіліся 3,8 млн.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.