Стала вядома, што за чалавек падпаліў сябе на плошчы Незалежнасці

Стала вядома, што за чалавек падпаліў сябе на плошчы Незалежнасці

Стала вядома, што за чалавек падпаліў сябе 22 студзеня на плошчы Незалежнасці. 

Праўладныя ТГ-каналы пішуць, што гэта 35-гадовы мінчук Павел Банькоўскі. Ён працаваў кіроўцам тралейбуса. У яго акаўнце ў сацсетках напісана, што мужчына вучыўся ў Беларускім інстытуце правазнаўства.

На старонцы "УКантакце" ў Банькоўскага некалькі рэпостаў з "Нашай Нівы" ды Радыё "Свабода" за ранейшыя гады. 

Мужчына размяшчаў шмат здымкаў з сям'ёй — з жонкай і дзецьмі. 

"Наша Ніва" датэлефанавалася да Кацярыны Банькоўскай — як выявілася, ужо былой жонкі. Яны рассталіся ў жніўні. Па словах Кацярыны, палітычнага матыву ў разводзе не было.

Жанчына яшчэ спадзяецца, што мужчына з плошчы Незалежнасці — гэта не яе муж. "Я не разумею, што адбываецца, зараз паеду ў бальніцу. Але там мне сказалі, што дакументаў пры ім не было", — перадае яе словы "Наша Ніва".

Яна кажа, што ў былога мужа быў цяжкі перыяд, ён перажываў, што п'е і гэтым падводзіць сям'ю, але справіцца з праблемай сам не мог. 

Следчы камітэт пацвердзіў, што мужчына ўчыніў самападпал. Медыкі паведамілі, што ў яго дыягнаставаныя апёкі больш як 50% цела.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі