Стала вядома, колькі будуць каштаваць білеты на матч БАТЭ — "Арсенал"
Стала вядома, колькі будуць каштаваць білеты на матч БАТЭ — "Арсенал" (Лондан). Матч 1/16 фіналу футбольнай Лігі Еўропы пройдзе на "Барысаў-Арэне" 14 лютага (пачатак у 20:55). Як інфармуе прэс-служба ФК БАТЭ, білеты вышэйшай катэгорыі будуць каштаваць 110 рублёў, 1-й — 90, 2-й — 70, 3-й катэгорыі — 50 рублёў.
У адныя рукі будуць прадаваць не больш за два квіткі. Пра парадак іх рэалізацыі клуб паведаміць пазней.
Матч у Лондане пройдзе 21 лютага.
БАТЭ гуляў з "Арсеналам" у групе Лігі Еўропы ў 2017 годзе (на здымку), былі два паражэнні — 2:4 (дома) і 0:6 (у гасцях).
