Стала вядома, калі ў Мінску з'явіцца чацвёртая кальцавая лінія метро
Мінскі метрапалітэн, станцыя "Пярэспа" (адкрыццё ў 2024 годзе) / Мінскі метрапалітэн
Чацвёртую лінію мінскага метро ўжо праектуюць, але пачнуць будаваць не раней за 2030 год, піша "Минск Новости" са спасылкай на Мінгарвыканкам.
Першая прычына ў няпростай працы, якая вядзецца над пабудовай трэцяй лініі: танэлі трэба пракладваць пад ракой Свіслач.
Яшчэ адна складанасць — недахоп кадраў, вынікае са словаў старшыні выканкама Уладзіміра Кухарава.
"Чым вышэй будзе ўкамплектаванасць (на "Мінскметрабудзе"), тым хутчэй пойдуць працы", — кажа Кухараў.
Меней чым праз год, верагодна, адкрыюцца тры новых станцыі метро на трэцяй, зялёнай лініі. Хутчэй за ўсё гэта адбудзецца ў лістападзе 2024 года, пісала "Звязда".
