Вы тут

Стала вядома, хто ўвойдзе ў Міжведамасную камісію па барацьбе з экстрэмізмам

Нарада сілавікоў у Аляксандра Лукашэнкі / кадр з БТ

На нацыянальным прававым інтэрнэт-партале з'явіўся ўказ Аляксандра Лукашэнкі пра Міжведамасную камісію па супрацьдзеянні экстрэмізму пры Савеце бяспекі. 

Узначаліць яе дзяржсакратар Савета бяспекі ці яго намеснік. 

У склад камісіі ўваходзяць:

— генеральны пракурор,

— начальнік Службы бяспекі прэзідэнта,

— начальнік Аператыўна-аналітычнага цэнтра,

— старшыня Следчага камітэта,

— старшыня Камітэта судовых экспэртыз,

— міністр унутраных спраў,

— міністр абароны,

— міністр па надзвычайных сітуацыях,

— старшыня Памежнага камітэта,

— старшыня Камітэта дзяржаўнай бяспекі,

— старшыня Мытнага камітэта (ці намеснікі ўсіх пералічаных),

— сакратар Міжведамаснай камісіі.

Персанальны склад камісіі павінен зацвердзіць дзяржсакратар Савета бяспекі. Цяпер гэтую пасаду займае Аляксандр Вальфовіч.

Свае пасяджэнні камісія будзе праводзіць "па меры неабходнасці".

Рашэнні Міжведамаснай камісіі, прынятыя ў рамках яе кампетэнцыі, падлягаюць абавязковаму разгляду дзяржорганамі ды іншымі дзяржаўнымі арганізацыямі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.