Снегапад пакінуў без электрычнасці паўтысячы паселішчаў на Магілёўшчыне
Снегапад пакінуў жыхароў Магілёўшчыны без электрычнасці / t.me/belenergo
Моцны снегапад 27 лістапада пакінуў без электрычнасці 476 населеных пунктаў у Магілёўскай вобласці. Праца па аднаўленні электразабесяпчэння працягваецца і ў панядзелак, паведамляе "Белэнерга".
Прычынай абрыву называюць наліпанне мокрага снегу на правады і галінкі дрэў.
"Аварыйна-аднаўленчыя брыгады працавалі дзень і ноч. У найбольш праблемныя ўчасткі сеткі дастаўляюцца рэзервовыя генератары для падлучэння адказных спажыўцоў на час рамонту", — заяўляюць у "Белэнерга".
