СМІ: Домрачава можа выступіць на чэмпіянаце свету
Дар'я Домрачава збіраецца выступіць на чэмпіянаце свету ў Нарвегіі. Пра гэта паведамляе нямецкае выданне sport1.de. Як вядома, славутая беларуская біятланістка з-за перанесенай хваробы вырашыла прапусціць увесь сезон. Без яе жаночая біятлонная зборная на сёлетнім Кубку свету не здабыла ніводнага медаля.
Па звестках sport1.de, Домрачава ўзмоцнена трэніруецца з лістапада 2015 года. Чэмпіянат свету пройдзе ў нарвежскім Халменколене з 3 да 13 сакавіка.
