СМІ: ЦВК Беларусі прыцягнуць да "рэферэндуму" па ўваходжанні "ЛНР/ДНР" у Расію
![СМІ: ЦВК Беларусі прыцягнуць да "рэферэндуму" па ўваходжанні "ЛНР/ДНР" у Расію](/sites/default/files/styles/gallery_main/public/2023-08/cvk-3108.png.webp?itok=zMzWhLVT)
Украінскіх бежанцаў, якія пражываюць у Беларусі, плануюць прыцягнуць да галасавання на "рэферэндуме" па далучэнні захопленых украінскіх абласцей да Расіі. Для іх у Беларусі створаць участкі для галасавання, піша The Insider.
У выданні кажуць, што атрымалі дакументы пра падрыхтоўку "рэферэндуму" на акупаваных тэрыторыях Украіны. У праекце ўжо нават называюцца планавыя лічбы па выніках галасавання, а таксама прыводзіцца план "замацавання пераможнага выніку".
Участкі для галасавання для эвакуяваных або гвалтоўна вывезеных украінцаў плануецца стварыць на тэрыторыях Расіі і Беларусі.
Раней у СМІ з'яўляліся звесткі, што "рэферэндум" можа прайсці 14 верасня. На ім планавалася далучыць да Расіі як мінімум Данецкую і Луганскую вобласці Украіны.
![СМІ: ЦВК Беларусі прыцягнуць да "рэферэндуму" па ўваходжанні "ЛНР/ДНР" у Расію](/sites/default/files/styles/default_image_paragraph_watermark/public/paragraphs/image/cvk-3108-2.png.webp?itok=DjWuXyic)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.