Вы тут

СМІ: Беларус узяў закладніка ў гандлёвым цэнтры "Масква-Сіці"

"Масква-Сіці" / citymoscow.ru

У адным з будынкаў гандлёвага цэнтра "Масква-Сіці" ў расійскай сталіцы мужчына захапіў закладніка. Паводле некаторых звестак, зламыснік — грамадзянін Беларусі.

Інфармагенцтва ТАСС са спасылкай на маскоўскую паліцыю паведаміла, што мужчына захапіў дзяўчыну і пагражаў ёй нажом. Паліцыянты, якія прыбылі на выклік, вызвалілі дзяўчыну і затрымалі зламысніка. 

Падкрэсліваецца, што пры затрыманні ніхто не пацярпеў. Нападніка даставілі ў паліцыю для разбору.

Baza.io удакладняе, што захопнік — грамадзянін Беларусі Віктар Крысін. Паводле звестак гэтага выдання, здарэнне выглядае трошку іначай: "Некалькі гадзін таму Крысін зайшоў у офіс "Міжнароднага Фінансавага цэнтра" на 13-м паверсе і пад пагрозай нажа звязаў аднаго з супрацоўнікаў, Уладзіслава Іванова".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.