“Славія” нарэшце выйграла, БАТЭ мацнейшы за мінскае “Дынама” (відэа)

Мазырская “Славія”, якая не ведала перамогаў ажно з кастрычніка 2012 года, нарэшце выйграла ў сябе дома ў гродзенскага “Нёмана”, каманды з шасцёркі найлепшых — 1:0.





Мінскае “Дынама” прымала ў сябе БАТЭ. Сталічная каманда правяла свой першы матч пад кіраўніцтвам новага трэнера Роберта Маасканта. Цуд не здарыўся — 1:2. Брэсцкае “Дынама” даволі нечакана перамагло мацнейшую “Белшыну” — 1:0.



Лідар чэмпіянату салігорскі “Шахцёр” упэўнена абыграў наваполацкі “Нафтан” — 2:0, “Тарпеда-БелАЗ” перамагло “Мінск” — 2:1, а вось “Гомель” скончыў матч з “Дняпром” сухой нічыёй — 0:0.