Вы тут

Сітуацыя з медыцынскім кіслародам у Беларусі "складаная, але не крытычная"

На прадпрыемстве вырабляецца медыцынскі кісларод / minzdrav.gov.by

Сітуацыя з медыцынскім кіслародам у Беларусі "складаная, але не крытычная". Пра гэта ў каментары прэс-службе Міністэрства аховы здароўя заявіў дырэктар прадпрыемства "Крыён", якое займаецца яго вырабам, Алег Гаўрушын.

Як вядома, сітуацыя з чарговай хваляй COVID-19 у Беларусі складаная. У сацсетках з'яўляюцца шматлікія паведамленні пра недахоп медыцынскага кіслароду, які называюць "жыццёва важным сродкам для барацьбы лекараў з каранавірусам". Як піша Мінаховы здароўя, патрэба ў медыцынскім кіслародзе ў нашай краіне вырасла ў 4 разы.

"Крыён" працуе няспынна. Ужо два тыдні "ўсе магутнасці прадпрыемства перайшлі на вытворчасць выключна медыцынскага кіслароду". Гаўрушын падкрэслівае, што "прадукт доўга не захоўваецца", таму яго назапасіць немагчыма. Медыцынскі кісларод пастаўляецца ў бальніцы ў балонах, а ў больш сучасных медустановах вадкі кісларод зліваецца ў спецыяльныя ёмістасці.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.