Вы тут

Сірыйка адмовілася падаваць у Польшчы заяву на прытулак і вярнулася ў Беларусь

На беларуска-польскай мяжы / twitter.com/Straz_Graniczna

28-гадовая сірыйка, якая 11 студзеня нелегальна перайшла мяжу з Беларусі, адмовілася падаваць заяву на прытулак у Польшчы. Яна сказала, што хоча вярнуцца ў Беларусь. Пра гэты выпадак паведамляе прэс-служба памежнага ведамства Польшчы.

Паведамляецца, што з жанчынай размаўлялі валанцёры і офіс амбудсмена. Яна прайшла медагляд, які паказаў, што з яе здароўем усё ў парадку.

Жанчына заявіла, што не збіралася заставацца ў Польшчы, а планавала дабрацца да Германіі. У прысутнасці адваката сірыйка запатрабавала выдаць ёй пастанову пра выдаленне з тэрыторыі Польшчы і дазвол вярнуцца ў Беларусь. 12 студзеня ёй выдалі такое рашэнне і суправадзілі да мяжы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.