Сіноптыкі: У панядзелак магчымыя дажджы, замаразкі захаваюцца
6 кастрычніка ў Беларусі прагназуецца хмарнае з праясненнямі надвор’е.
Месцамі магчымыя невялікія кароткачасовыя ападкі, у асноўным у выглядзе дажджу. Уначы і раніцай у асобных раёнах будзе туман.
Вецер будзе ўсходнім умеркаваным, удзень па паўднёвым захадзе — парывістым.
Уначы на большай частцы тэрыторыі прагназуюцца замаразкі ад 0 да 4 градусаў, месцамі тэмпература паветра складзе плюс 1-6 градусаў. Удзень чакаецца ад 6 да 11 градусаў цяпла, па паўднёвым захадзе — да 14 са знакам плюс, перадае БЕЛТА са спасылкай на Белгідрамет.
