Сілавікі затрымалі ў Мінску ілюстратара за "няправільныя" стыкеры

У Мiнску затрымалі Вадзіма Багрыя, мастака-ілюстратара кампаніі Vizor Games. На “пакаяльным” відэа у тг-канале сілавікоў ён кажа, што ствараў стыкеры, “якія распальваюць варожасць”.

Верагодна, гутарка пра стыкерпакі Luka і Sasha 3%, якія прызналі ў Беларусі "экстрэмісцкімі матэрыяламі".

Як распавядала Еўрарадыё, адпаведную пастанову прыняў 25 ліпеня суд Цэнтральнага раёна Мінска.

Таксама ёсць звесткі пра затрыманне яшчэ аднаго ілюстратара, але яго імя пакуль не вядомае.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.