Штаб нацыянальнага супраціву аб'яўляе мабілізацыю на Майдане
Штаб просіць кіяўлян выйсці на Майдан 28 студзеня а 12-й гадзіне.
Пра гэта абвясціў каардынатар Штаба нацыянальнага супраціву Аляксандр Турчынаў, паведамляе unian.net. Ён заклікаў падтрымаць дэпутатаў, гатовых узяць на сябе адказнасць і адмяніць дыктатарскія законы.
"Падтрымайце тых, хто гатовы прагаласаваць за свабоду палітвязняў і закрыццё супраць іх усіх спраў, за адстаўку ўрада і аднаўленне Канстытуцыі 2004 года, а разам з ёй канстытуцыйнага ладу Украіны", — заклікаў Турчынаў.
Паводле яго словаў, у аўторак будзе магчымасць мірным шляхам вырашыць сітуацыю, якая склалася ў краіне: "Заўтра ёсць магчымасць спыніць супрацьстаянне і аднавіць правы нашых грамадзян, аднавіць працэс еўраінтэграцыі, аднавіць працэс нармальнага функцыянавання нашай краіны, за што рэальна змагаюцца сёння ўсе актывісты і патрыёты Майдана".
