Серэну Уільямс перамаглі на Уімблдоне
31-гадовая амерыканская тэнісістка, першая ракетка свету не здолела прайсці 1/8 фінала.
Сенсацыю здзейсніла 23-гадовая Сабіна Лісіцкі, якая ў рэйтынгу WTA займае толькі 24-е месца. Немка выйграла першы сэт — 6:2, прайграла другі — 1:6 і перамагла ў трэцім — 6:4 (пры гэтым прайгравала 2:4). У 1/4 фінала Лісіцкі згуляе з Каей Канэпі.
Адзначым, што ў апошнія гады Серэна Уільямс прайграе вельмі рэдка. Яна перамагала на Уімблдонскім турніры ўжо пяць разоў.
Фота — pressball.by, AFP
