СБУ разглядае тры версіі прычын авіякатастрофы ў Браварах
![На месцы авіякатастрофы ў Браварах / Reuters](/sites/default/files/styles/gallery_main/public/2023-08/bravary-1801-3.jpg.webp?itok=GDO6amVU)
На месцы авіякатастрофы ў Браварах / Reuters
Служба бяспекі Украіны агучыла папярэднія тры версіі прычын катастрофы верталёта ў Браварах.
Першая — гэта парушэнне правілаў палёту. Другая — тэхнічная няспраўнасць верталёта. Трэцяй версіяй разглядаецца дыверсія — "наўмысныя дзеянні па знішчэнні транспартнага сродку".
Як паведамляла Еўрарадыё, зранку 18 студзеня ў Браварах пад Кіевам каля дзіцячага садка ўпаў верталёт. На цяперашні момант вядома пра 18 ахвяраў трагедыі, у тым ліку траіх дзяцей. Пацярпелі не менш за 29 чалавек, у тым ліку 15 дзяцей. Падчас авіякатастрофы загінула кіраўніцтва МУС Украіны і экіпаж верталёта.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.