Салігорац скокнуў з сёмага паверха пасля слоў міліцыянта
![Салігорац скокнуў з сёмага паверха / vk.com/tvoy_soligorsk](/sites/default/files/styles/gallery_main/public/2023-08/salohorsk-2811-1.jpg.webp?itok=p5LHQilb)
Салігорац скокнуў з сёмага паверха / vk.com/tvoy_soligorsk
26 лістапада ў Салігорску мужчына зваліўся з сёмага паверха шматпавярховага дома, паведамляе паблік "Твой Салігорск".
Відавочцы распавялі, што да месца здарэння пад'язджалі ратавальнікі і раскрывалі батут. Супрацоўнікі МНС пачалі падымацца да мужчыны. Але ён сарваўся да іх прыходу і загінуў на месцы.
Жыхарка Салігорска ў каментары да гэтага паста напісала сваю версію падзеяў. Па яе словах, яе сям'я была відавочцай.
"МНС не ўдзельнічала ў выратаванні гэтага чалавека. Прыехала хуткая, міліцыя, МНС. Работнікі хуткай — маўчалі. МНС — раскрылі батут, але не напампавалі яго, не паднеслі да пад'езда, дзе чалавек быў на 7 паверсе. Пры пытанні чаму: “Загаду не было". /.../ Калі ён застаўся на 7 паверсе. І пачаў крычаць, што ён скокне, яму міліцыянт сказаў: "Скачы, чаго палохаеш“. І ён проста адпусціў рукі", — напісала яна.
![Салігорац скокнуў з сёмага паверха пасля слоў міліцыянта](/sites/default/files/styles/default_image_paragraph/public/paragraphs/image/salohorsk-2811-2_1.jpg.webp?itok=uoThyQrE)
Салігорац скокнуў з сёмага паверха / vk.com/tvoy_soligorsk
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.