Сабаленка апусцілася на восьмае месца ў сусветным рэйтынгу
Арына Сабаленка апусцілася на восьмае месца ў сусветным рэйтынгу. Дагэтуль беларуская тэнісістка была чацвёртай ракеткай свету. Прычынай гэтага стала правальная гульня на турніры ў Мадрыдзе.
Вікторыя Азаранка была на 17-м месцы, цяпер займае 16-е. Аляксандра Сасновіч захавала за сабой 50-ы радок у рэйтынгу WTA.
Першай ракеткай свету застаецца Іга Свёнтак з Польшчы.
У тэнісістаў-прафесіяналаў лідарам рэйтынгу застаецца серб Новак Джокавіч. Беларус Ілля Івашка апусціўся з 48-га на 50-е месца.
