S13: У Гродзенскім кардыяцэнтры павесіўся пацыент з пнеўманіяй
Уначы 19 красавіка ў Гродзенскім кардыялагічным цэнтры ў палаце павесіўся 68-гадовы мужчына, піша мясцовы сайт s13.ru. Яго знайшла санітарка.
Паведамляецца, што больш за тыдзень таму гродзенец трапіў у кардыяцэнтр з інфарктам. Пазней у яго выявілі пнеўманію, якая не падавалася лячэнню.
18 красавіка мужчыну ізалявалі ў асобную палату і ўзялі мазок на каранавірус. Вынікі тэсту пакуль што не вядомыя.
Нагадаем, што Мінздароўя перастала паведамляць агульную колькасць выпадкаў COVID-19, выяўленых у Беларусі. Перад тым ведамства вырашыла не шпіталізаваць пацыентаў з нецяжкімі пнеўманіямі, а таксама з лёгкімі формамі каранавіруса. Па стане на 6:00 19 красавіка на стацыянарным лячэнні знаходзілася 3538 чалавек з каранавірусам, памерлі 47.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
