РНБА Украіны: Баевікі пакінуць Данецк да 18 жніўня

Пра гэта заявіў прадстаўнік інфармацыйнага цэнтру Рады нацыянальнай бяспекі і абароны Украіны Андрэй Лысенка.
“Асноўная частка баевікоў плануе пакінуць Данецкую вобласць да 18 жніўня. Чаму менавіта гэтая дата прагучала, нам пакуль невядома”, — цытуе Лысенку УНІАН. Паводле яго словаў, баевікі пераапранаюцца ў цывільную вопратку і на адабраных у мясцовых жыхароў аўтамабілях спрабуюць праехаць украінскія блок-пасты. З Янакіева і Горлаўкі выязджаюць чачэнскія наёміты.

Такая ж сітуацыя і на Луганшчыне, сцвярджае Лысенка. Там баевікі пачалі самастойна здымаць сцягі ЛНР і таксама ўцякаць пад выглядам мірных жыхароў.

Фота: REUTERS