ЗША звярнуліся да Кітая і Расіі ў справе КНДР
Вашынгтон заклікае Пекін і Маскву прымаць больш актыўны ўдзел у стрымліванні Паўночнай Карэі.
Пра гэта заявіў афіцыйны прадстаўнік Белага дома Джэй Карні.
"Ні для каго не сакрэт, што Кітай мае патэнцыйны ўплыў на Паўночную Карэю, — цытуе словы Карні РІА "Новости". — Мы ўжо заклікалі і зноў заклікаем Кітай паспрабаваць паўплываць на КНДР. Да таго ж, мы заклікаем і Расію".
Таксама прадстаўнік Белага дома назваў чарговым парушэннем міжнародных абавязацельстваў апошнія дзеянні Пхеньяна. Нагадаем, у аўторак улады КНДР заявілі аб намеры аднавіць працу спыненага ў 2007 годзе рэактара ў ядзерным цэнтры ў Ёнбене. Да таго Паўночная Карэя неаднаразова выступала з пагрозамі ядзерных удараў па Паўднёвай Карэі і нават ЗША.
"Мы, натуральна, прымаем крокі, неабходныя для... абароны ЗША", — заявіў Карні.
Фота — AFP
