Жонкі палітвязняў сустрэліся ў Варшаве (фота)
8 сакавіка ў Беларускім доме ў Варшаве прайшла прэс-канферэнцыя “Беларусь — гэта жанчына” з удзелам Марыны Адамовіч, Насты Дашкевіч і Вольгі Бандарэнка.
Жонкі цяперашніх і былых палітвязняў у Міжнародны дзень жанчынаў распавялі пра сваіх родных, пра ўмовы, у якіх яны ўтрымліваюцца, а таксама пра цяжкасці з якімі яны сутыкаюцца.
Сустрэча выклікала вялікую цікавасць як у беларусаў Варшавы, так і ў прадстаўнікоў польскіх СМІ.
Мадэраваў канферэнцыю еўрадэпутат Марэк Мігальскі, які ўжо доўгі час актыўна займаецца падтрымкай беларускіх палітвязняў і іх блізкіх.
