Жанчына вярнула гаспадару сумку з грашыма (відэа)
У снежні яна знайшла на івацэвіцкім рынку 13 тысяч долараў (па іншай версіі — 16 тысяч) і 25 мільёнаў рублёў. 20 мільёнаў паспела патраціць.
Грошы мясцовы прадпрымальнік атрымаў за прададзены аўтамабіль (па іншай версіі — за кватэру). Камеры відэаназірання зафіксавалі, як жанчына з'язджае на ровары па снезе з той самай сумкай. Міліцыя аб'явіла яе ў вышук.
На мінулых выхадных жанчына сама прыйшла да пацярпелага і аддала грошы. Праўда, не ўсе. За паўтары месяцы яна паспела патраціць з іх каля 20 мільёнаў рублёў.
Як піша газета "Вячэрні Брэст", цяпер ідзе "ўрэгуляванне" дадзенага пытання, паколькі была распачатая крымінальная справа па факце "прысвойвання знойдзенага ў асабліва вялікім памеры". Па гэтым артыкуле пагражае штраф, папраўчыя працы ці тры месяцы арышту.
