За "мядзведжы дэсант" вайскоўцам пагражаюць трыбуналам?
Праверка ідзе ў вайсковай часці №25887, размешчанай пад Смаргонню.
Менавіта гэтая часць нясе адказнасць за ахову паветраных межаў краіны ў рэгіёне, дзе шведскія лётчыкі перасеклі літоўска-беларускую мяжу. Як паведамляе сайт "Наш дом", праверка да вайскоцаў прыбыла адразу пасля публікацыі першых паведамленняў пра "дэсант мядзведзікаў".
У лясах пад Смаргонню каля 50 чалавек на пастах вядуць візуальнае назіранне. Як выявілася, пасты не былі абсталяваны неабходнай тэхнікай: у салдатаў не было нават бінокляў. Вайскоўцаў, якія былі на дзяжурстве ў дзень пралёта шведскага самалёта, пагражаюць аддаць пад вайсковы трыбунал. Праверку вядуць супрацоўнікі КДБ і ваеннай пракуратуры.
Нагадаем, афіцыйны Мінск адмаўляе "дэсант" шведскіх мядзведзікаў.
Фота — nash-dom.info