З сям'і Канавалавых у Віцебску знялі ахову?
Бацькі Дзмітрыя Канавалава, які быў прызнаны вінаватым у тэрарызме і расстраляны ў сакавіку сёлета, пачалі выходзіць з дома без аховы.
Пра гэта распавяла Любоў Кавалёва, маці расстралянага разам з Канавалавым за саўдзел у тэрарызме Уладзіслава Кавалёва.
Паводле яе словаў, апошнім часам яна ўжо двойчы сустракала бацькоў Дзмітрыя, якіх упершыню больш чым за год ніхто не суправаджаў. Аднак, ці сапраўды ахову знялі ці яна набыла нейкія іншыя формы, дакладна невядома, паведамляе БелаПАН.
Гл. таксама: Бацькоў Дзмітрыя Канавалава дагэтуль “ахоўваюць” (фота)
На здымку: На дзвярах кватэры Канавалавых няма нумару.
