З канца студзеня ў інтэрнэт-кавярнях не будуць патрабаваць пашпарт
Урад 22 снежня выдаў пастанову ў гэтым пытанні.
Уладальнікі інтэрнэт-кавярняў і кампутарных клубаў змогуць выкарыстаць альтэрнатыўныя сродкі ідэнтыфікацыі карыстальнікаў. Напрыклад, з дапамогай фота- і відэафіксацыі. Канкрэтны спосаб яны вызначаць самастойна.
БЕЛТА нагадвае, што ўжо некалькі гадоў у Беларусі ў інтэрнэт-кавярнях і кампутарных клубах у карыстальнікаў патрабавалі пашпарт, і іх персанальныя дадзеныя фіксаваліся.
Пастанова Савета міністраў пачне дзейнічаць праз месяц пасля яе афіцыйнай публікацыі.
Фота — bymedia.net
