З 15 сакавіка Нацбанк уводзіць у абарачэнне "мадыфікаваныя" грошы
Мадыфікацыю з мэтай узмацнення ахоўных знакаў і элементаў зазнаюць банкноты наміналамі 500, 1000, 10000 і 20000 рублёў узору 2000 года.
Як адзначаецца ў афіцыйным паведамленні Нацбанка, мадыфікаваныя банкноты, што ўводзяцца ў абарачэнне 15 сакавіка, захаваюць ранейшыя памер, выявы і колеравую гаму. Іх адрозненне — замест палімернай празрыстай ніткі з тэкстам "НБРБ" у паперу ўведзеная металізаваная ахоўная плёнка. Яе ўчасткі выходзяць на паверхню банкноты ў выглядзе бліскучых прастакутнікаў, якія ўтвараюць пункцірную лінію. Пры разглядзе на прасвет ахоўная нітка выглядае як скразная цёмная паласа.
Банкноты ўзору 2000 года пералічаных наміналаў таксама застаюцца ў абарачэнні на тэрыторыі Беларусі.
Фота: lori.ru
