Вікторыя Азаранка перамагла на турніры ў Пекіне
7 кастрычніка першая ракетка свету лёгка і пераканаўча перамагла расіянку Марыю Шарапаву — 6:3, 6:1.
Матч доўжыўся 1 гадзіну 27 хвілінаў. Упершыню ў гісторыі Азаранка выйграла за год 2 з чатырох супертурніраў.
6 кастрычніка ў паўфінальным паядынку Вікторыя перамагла францужанку Марыён Барталі — 6:4, 6:2. Раней была перамога над францужанкай Алізэ Карнэ (6:1, 6:0), немкай Сабін Лісіцкі (6:4, 6:2), расіянкай Аленай Веснінай (6:3, 6:3) і швейцаркай Рамінай Апрандзі (6:2, 6:0).
Вікторыя Азаранка застаецца першай ракеткай у рэйтынгу WTA, Марыя Шарапава захоўвае другую пазіцыю.
