Уладзімір Шанцаў абскарджвае папярэджанне за Народны сход
Папярэджанне яму вынесла пракуратура Ленінскага раёна Магілёва.
Сваю заяву сябра магілёўскага аргкамітэта па правядзенні Народнага сходу падаў у абласную пракуратуру.
Шанцаў лічыць, што папярэджанне яму вынеслі незаконна. Сцвярджэнні пракурора Сніткова ён называе галаслоўнымі і нічым не падмацаванымі. На яго думку, улада імкнецца сарваць Народны сход.
Нагадаем, што 6 кастрычніка Шанцава афіцыйна папярэдзілі пра недапушчальнасці дзеянняў, якія могуць парушыць нормы закона “Аб масавых мерапрыемствах”. У выпадку парушэнняў актывіст можа быць прыцягнуты да адказнасці.
