У Віцебску шукаюць удзельнікаў нядзельнага шэсця
Шэсце прайшло ад плошчы Перамогі да Успенскай Горкі ў нядзелю 3 ліпеня. Яго суправаджаў чалавек у цывільным з камерай.
Цяпер гэтыя "аператыўныя" здымкі міліцыянты пачалі адпрацоўваць, паведамляе прэс-служба БХД.
5 ліпеня да аднаго з удзельнікаў шэсця, Севы Жураўлёва, прыйшоў міліцыянт і склаў пратакол адміністрацыйнага парушэння, што той прымаў удзел у незаконным шэсці. Хлопцу паведамілі, што праз тыдзень яго выклічуць у суд.