Акцыі праходзяць і ў Каракасе, і ў іншых гарадах краіны. Дэманстранты блакуюць дарогі, б'юцца з паліцыянтамі. Супраць апазіцыянераў ужываецца слёзацечны газ. Дакладная лічба арыштаваных невядомая. Па ўсёй краіне загінулі 7 чалавек, 61 атрымаў раненні.

Нагадаем, пераможцам прэзідэнцкіх выбараў Нацыянальным выбарчым саветам быў прызнаны Нікалас Мадура, кандыдат ад правячых сілаў, паплечнік памерлага прэзідэнта Уга Чавеса. Ён набраў 50,75% галасоў. Кандыдат ад апазіцыі Энрыке Капрылес, у якога 48,89%, гэтыя вынікі выбараў не прызнаў і запатрабаваў пералічыць галасы.

РІА "Новости" паведамляе, што акцыі ў Венесуэле праводзяць і прыхільнікі Нікаласа Мадуры.

Чым адрозніваюцца выбары прэзідэнта ў Беларусі і Венесуэле?

Нікалас Мадура перамог на выбарах у Венесуэле

Энрыке Капрылес не прызнае вынікаў прэзідэнцкіх выбараў

Фота — AFP