У Сірыі народныя хваляванні падаўляюць танкамі
25 красавіка танкі і бронетранспарцёры ўварваліся ў горад Дэраа і адкрылі агонь па людзях. Тут ужо месяц ідуць пратэсты супраць ураду Сірыі.
Жыхары Дэраа кажуць, што ў горад уварваліся сотні салдат. Танкі не аб'язджаюць людзей, а душаць жыўцом. Людзі зачыніліся ў дамах у чаканні канца вайсковага наступу, паведамляе Asociated Press.
Паводле неафіцыйных звестак, з пачатку беспарадкаў у Сірыі забіта 350 грамадзянскіх асоб. Прычым каля траціны ад гэтага ліку — за апошнія тры дні.