У матчы "Дынама-Шыннік" — "Юнацтва" адбылася масавая бойка
У ёй прынялі ўдзел нават брамнікі абедзвюх камандаў Ян Шаляпнёў і Аляксандр Барадуля.
Бойка адбылася ў трэцім перыядзе матчу на 48-й хвіліне, адзначае "Прессбол". Форвард "Юнацтва" Віталь Кірушчанкаў за напад гульца, не які валодае шайбай, і бойку атрымаў у суме 27 хвілінаў штрафу і быў выгнаны з пляцоўкі да канца матчу. Гулец "Дынама-Шынніка" Руслан Андрэйчыкаў атрымаў 4-хвілінны штраф. А яго партнёр па камандзе Аляксандр Кашэвіч быў пакараны двума дысцыплінарнымі штрафамі (10 і 20 хвілінаў) і датэрмінова завяршыў матч.
Неўзабаве ў бойцы прынялі ўдзел амаль усе хакеісты, якія знаходзіліся на лёдзе. У выніку яшчэ пяць гульцоў адправіліся ў распранальню, атрымаўшы сумарны штраф у 114 хвілінаў.
Гульня скончылася перамогай бабруйскага "Дынама-Шынніка" — 4:1.
