У Лондане прайшло закрыццё ХХХ летняй Алімпіяды (фота)

13/08/2012 - 02:45

Алімпійскі агонь згас у 23.59 паводле мясцовага часу (у 1.59 паводле мінскага). Алімпійская паходня складалася з 205 пялёсткаў — па колькасці краін-удзельніц. Спартовыя дэлегацыі забяруць гэтыя пялёсткі з сабой, адзначае БелаПАН.

За 16 дзён спаборніцтваў было разыграна 302 камплекты ўзнагародаў. У неафіцыйным медалёвым заліку Беларусь заняла 23-е месца (па колькасці ўзнагародаў — 18-е). На рахунку нашых спартоўцаў 13 медалёў — тры залатыя, пяць срэбраных і пяць бронзавых.

Наступная Алімпіяда пройдзе ў 2016 у бразільским горадзе Рыа-дэ-Жанэйра. На закрыцці спартовага свята ў Лондане бразільцы правялі прэзентацыю сваёй краіны з удзелам легендарнага футбаліста Пеле.

Галоўны стадыён Гульняў-2012

Для некага гэта Алімпіяда была няўдалай, для некага шчаслівай. Але ўсе пакідалі Лондан ў выдатным настроі.

Атлеты з Партугаліі дэманстравалі свае нацыянальныя танцы.

А нехта, напэўна, знайшоў сваё каханне...

Хэдлайнерамі канцэрта выступілі Queen, The Who, Muse, Kaiser Chiefs, Spice Girls і іншыя брытанскія славутасці. На фота: гітарыст Queen Браян Мэй і спявачка Джэсі Джэй.

Саксафаніст Pet Shop Boys увогуле ўзляцеў над алімпійскай арэнай.

Kasier Chiefs у чарговы раз прадэманстравалі сваю любоў да розных машын, матацыклаў і іншай рухомай тэхнікі.

Вікторыя Бэкхам і Джэры Халіўэл адмыслова для Алімпіяды праспявалі разам хіты Spice Girls.

А вось родных братоў Гэлахераў не памірыла нават такая падзея як Алімпіяда. Таму замест рэюніан Oasis Ліам выступіў са сваім праектам Beady Eye.