У Гданьску адзначаць гадавіну нараджэння Янкі Філістовіча
14 студзеня тут пройдуць мерапрыемствы да 86-ай гадавіны нараджэння беларускага патрыёта.
Адным з арганізатараў адзначэння выступіла “Беларуская Нацыянальная Памяць”. Як распавёў Еўрарадыё кіраўнік арганізацыі Анатоль Міхнавец, у праграму святкаванняў уваходзіць сустрэча з беларускай грамадой і ўдзел у вечарыне, арганізаванай Беларускім культурным таварыствам “Хатка”.
Гданьск не выпадкова абралі месцам святкавання. Тут дагэтуль жыве сястра Філістовіча — Серафіма. Сустрэча з ёй таксама уваходзіць у планы актывістаў арганізацыі.
Нагадаем, што Янка Філістовіч— беларускі грамадска-палітычны дзеяч на эміграцыі, удзельнiк антысавецкага руху ў Беларусі, публіцыст.
