У эстафетнай гонцы беларускія біятланісткі — сёмыя
У жаночай эстафетнай гонцы 4 па 6 км на чэмпіянаце свету па біятлоне ў Чэхіі беларуская зборная заняла сёмае месца.
Каманда ў складзе Надзеі Скардзіны, Людмілы Калінчык, Настассі Дубарэзавай і Дар'і Домрачавай адолела дыстанцыю за 1 гадзінуа 9 хвілінаў 13,2 секунды з адным штрафным кругам (Дубарэзава) і сямю дадатковымі патронамі (4 у Дубарэзавай, 2 у Домрачавай, 1 у Калінчык), інфармуе БелаПАН.
Залатыя медалі ў нарвежак, срэбраныя — ва ўкраінак, бронзавыя — у італьянак.
16 лютага адбудзецца мужчынская эстафета 4 па 7,5 км.
Фота — noc.by
