У Беларусі перавытворчасць транспартных сродкаў
Іх складскія запасы на 1 траўня склалі 88,5% да сярэднемесячнага аб’ёму вытворчасці.
Увогуле ж выпуск гэтай прадукцыі ў першай траціне году ўзрос на 33,9%. У студзені-красавіку выпушчана 6,4 тысяч грузавых аўтамабіляў, 68 тралейбусаў, 661 аўтобус, 1522 аўтамабільных прычэпы і паўпрычэпы. У краіне вырабілі 1600 матацыклаў, матаролераў і мапедаў, 66,9 тысяч ровараў і 229 грузавых вагонаў.
У той жа час запасы транспартных сродкаў на 1 траўня склалі 734 млрд рублёў, альбо 88,5% да сярэднемесячнага аб’ёму вытворчасці, паведамляе БелаПАН.
