У Беларусі пабудуюць другі калійны камбінат
Грошы ў гэты амбіцыйны праект укладзе ўладальнік кампаніі GMC Global Energy plc Міхаіл Гуцэрыеў.
Пра гэта вядомы расійскі бізнэсмен і мецэнат заявіў сёння ў Мінску на сустрэчы з беларускім прэм’ерам Міхаілам Мясніковічам. Кошт праекту ацэньваюць у 1,5 мільярда долараў. Тэрмін увядзення ў эксплуатацыю новага калійнага камбінату — 2017 год. Мяркуецца, што на ім будуць выпускаць болей за мільён тон калійных угнаенняў штогод.
На прадпрыемстве створаць паўтары тысячы новых працоўных месцаў, паведамляе БЕЛТА. Камбінату ўжо нават прыдумалі назву — “Слаўкалій”.
