Сын Кадафі заклікае Лівію да паўстання
Ён цяпер знаходзіцца ў Нігеры, які адмаўляецца выдаць нашчадка дыктатара лівійскім уладам.
Саадзі Кадафі кажа, што гатовы ў любы момант вярнуцца на радзіму і ўзначаліць паўстанне. Ён таксама сцвярджае, што мае шмат прыхільнікаў у Лівіі. Пра гэта ён заявіў у тэлефонным інтэрв’ю тэлеканалу “Аль-Арабія”.
Часовы пераходны савет Лівіі занепакоены актыўнасцю прыхільнікаў былога рэжыму, але маштабны выступ малаверагодны, перадае ВВС.
Саадзі Кадафі ўцёк у Нігер у верасні мінулага года неўзабаве пасля ўзяцця Трыпалі праціўнікамі яго бацькі. Муамар Кадафі быў забіты ў кастрычніку. У снежні сын дыктатара спрабаваў пераправіцца ў Мексіку, але тамтэйшыя спецслужбы не дазволілі гэтаму адбыцца.
