Сяргей Шойгу абраны старшынёй Савета міністраў абароны СНД
Яго кандыдатуру прапанаваў міністр абароны Азербайджана Сафар Абіеў. Шойгу падтрымалі астатнія міністры-удзельнікі паседжання, якое праходзіла ў Маскве.
Сярод іншых — міністр абароны Беларусі Юрый Жадобін.
Нагадаем, генерал арміі Сяргей Шойгу — міністр абароны Расіі. Старшыня Савета міністраў абароны Садружнасці незалежных дзяржаваў абіраецца на тры гады.
Як чакаецца, міністры абароны краін СНД сёння не толькі абмяркуюць пытанні вайсковага супрацоўніцтва, але і пагавораць пра запланаванае святкаванне 70-х угодкаў перамогі над нацысцкай Нямеччынай.
Фота — РИА Новости
