Суд над Варламавым працягнецца не меней за 3 месяцы
Такое меркаванне выказаў адвакат падсуднага Павел Піваварчык.
На яго думку, з-за вялікай колькасці матэрыялаў крымінальнай справы суд можа расцягнуцца нават на год, перадае interfax.by. Адвакат нагадвае, што суду неабходна вывучыць вялікую колькасць матэрыялаў крымінальнай справы, а таксама апытаць больш за 350 пацярпелых, а таксама сведкаў.
Сёння ў судзе працягнецца допыт абвінавачанага. Ён будзе датычыць часу з 2006 па 2011 год.
Дарэчы, у пятніцу судовага паседжання не будзе. Наступнае судовае паседжанне прызначана на пачатак наступнага тыдня. Па інфармацыі адваката, пачнецца допыт пацярпелых.