Страсбургскі суд разгледзіць іск Грузіі супраць Расіі
Грузія падала іск у сувязі з дэпартацыяй этнічных грузінаў з Расіі ў верасні 2006 года і на пачатку 2007-га.
Нагадаем, што гэтыя падзеі адбыліся пасля таго, як у Грузіі затрымалі некалькіх расіян, абвінавачаных у шпіянажы на карысць Расіі. Грузінскі бок цяпер патрабуе кампенсаваць дэпартаваным маральную і матэрыяльную шкоду, перадае РБК.
Справу будзе разглядаць Вялікая палата, якая складаецца з 17 суддзяў. У яе ўваходзяць прэзідэнт і віцэ-прэзідэнты Еўрапейскага суда па правах чалавека.
Фота — topwar.ru
