Столінскі аўтапарк зрабіў зніжку для мінскіх студэнтаў
Як піша газета “Навіны Палесся”, зніжка дзейнічае на аўтобусным маршруце “Мінск-Столін”.
Цяпер студэнты дзённых аддзяленняў мінскіх ВНУ будуць плаціць 50% ад кошту квітка. На жаль, моладзь, якая вучыцца ў іншых беларускіх гарадах, зніжак не атрымае.
Нагадаем, што месяц таму такая ж акцыя была абвешчаная ў Пінску. І там таксама зніжкі былі прадугледжаныя толькі для сталічных студэнтаў.