Смалявіцкія міліцыянты прызналі, што затрымалі 1,5-гадовае дзіця
Гэта прагучала падчас суда над Уладзімірам Чайчыцам, затрыманым 3 ліпеня.
Чайчыца абвінавацілі ў непадпарадкаванні міліцыянтам і аштрафавалі на 1 млн 50 тысяч рублёў.
На судзе міліцыянты прызналі, што затрымлівалі Мужчыну разам з маленькім унукам. Па словах маёра Андрэя Мартысюка, дзіцё прыйшло ў пастарунак за руку з дзедам. Там на працягу паўгадзіны ішло разбіральніцтва, пакуль маці з групай падтрымкі прыйшла па малога у РАУС.
Нагадаем, раней абласная міліцыя заявіла, што паўтарагадовага хлопчыка не затрымлівалі, а мужчына аддаў дачцэ ўнука перад будынкам міліцыі.