Следства па справе Юрыя Данькова працягнулі на тры месяцы
Тэрмін следства працягнуты да 22 траўня.
Ці будуць уладальніка Dankoff Club трымаць надалей пад вартай, пракуратура пакуль не вызначылася. На гэта ў яе ёсць каля 10 дзён, адзначае БелаПАН.
Нагадаем, Данькова затрымалі 4 верасня 2012 года. Яго вінавацяць у выкарыстанні занятку прастытуцыяй ці стварэнні ўмоваў для занятку прастытуцыяй, учыненых службовай асобай з выкарыстаннем сваіх службовых паўнамоцтваў.
Перад тым Следчы камітэт пачаў крымінальную справу супраць мастацкага кіраўніка і адміністратара Dankoff Club. Уласна іх і падазраюць, што з 2006 года яны давалі памяшканні ў клубе для занятку прастытуцыяй.
