Сіноптыкі: у пятніцу і суботу чакаюцца дажджы

У суботу, 13 красавіка, у дзённыя гадзіны ў асобных раёнах краіны прагназуюцца моцныя дажджы, ёсць верагоднасць першых веснавых навальніц. Тэмпература паветра ўначы складзе 2-8 градусаў цяпла, а ўдзень — 7-13 градусаў вышэй за нуль, на поўдні — да 17.

У нядзелю амаль па ўсёй краіне дажджы спыняцца. У начныя гадзіны тэмпература паветра складзе ад 1 да 6 градусаў цяпла. У панядзелак удзень прагназуецца 11-17 цяпла, у аўторак — 13-18 вышэй за нуль, а на захадзе Беларусі — да 20 градусаў цяпла, інфармуе БЕЛТА.

Фота — bymedia.net