Северус Снэйп і Волан-дэ-Морт падтрымалі беларускіх палітвязняў (відэа)
Знакамітыя брытанскія акторы, у тым ліку зоркі фільмаў пра Гары Потэра, выказаліся за вызваленне беларускіх палітвязняў.
Спецыяльны зварот арганізаваў беларускі "Свабодны тэатр". Акторы звярнуліся да брытанскага прэм'ер-міністра Дэвіда Кэмерана, каб ён зрабіў усё магчымае для вызвалення палітвязняў. Зварот быў апублікаваны брытанскай газетай "The Guardian".
Як адзначае kinakong.by, у відэазвароце ўзялі удзел Алан Рыкман (прафесар Снэйп у "Гары Потэры"), Ральф Файнс (лорд Волан-дэ-Морт), Сэм Уэст (доктар Франкенштэйн у фільме "Ван Хельсінг"), Джаана Ламлі, Марк Райланс, Цім Райс, Аджоа Андо і Сайман Кэлоў.
