Сёння адбудзецца суд БХД супраць Палаца культуры МТЗ
Судовае паседжанне пачнецца а 15-й гадзіне ў судзе Партызанскага раёна сталіцы (вуліца Сямашкі, 33).
Партыя судзіцца з адміністрацыяй Палаца культуры за падзеі, якія адбыліся 17 снежня на з'ездзе БХД. Нагадаем, што тады ў 17.30 на асабісты загад дырэктара Палаца культуры ў актавай зале было адключана асвятленне. Пры гэтым арэнда залы была аплачаная да 19-й гадзіны. Дарэчы, асвятленне знікла, калі на сцэне з'явіўся забаронены музыка Лявон Вольскі.